Tuesday, 1 March 2011

ကျောက်ဖြူတွင် သေနတ် ပစ်ခတ်မှု ဖြစ်ပွား၍ လူတဦး ပြင်းထန်စွာ ဒဏ်ရာရ

zaw gyi one
ရခိုင်ပြည်နယ် ကျောက်ဖြူမြို့နယ်အနောက်ဘက် ၅ မိုင်ခန့်အကွာတွင်တည်ရှိသည့် အုန်းတောအုပ်စု ၀က်ဆံကျေးရွာတွင် ပစ်ခတ်မှု တခုဖြစ်ပွားရာ လူတဦး ပြင်းထန်စွာ ဒဏ်ရာ ရရှိကြောင်း သတင်း ရရှိသည်။

အခင်းဖြစ်ပွားရာ ကျေးရွာမှ မျက်မြင် တဦးက နိရဉ္စရာသို့ ယခုကဲ့သို့ ပြောသည်။

“ ဒီလ ၂၆ ရက်နေ့ မနက် ၆ နာရီခွဲမှာပစ်ခတ်မှုတခုဖြစ်ပွားခဲ့ပါတယ်။ ရုတ်တရက်ဘာမှန်းမသိ ဦးဘီ လူးအောင်ကနေ မောင်ထူးဆိုသူကို လုပ်သေနပ်နဲ့ ပစ်တာဖြစ်တယ်။ ဘယ်ဘက်တင်ပါးမှာ ကျည်ဆံ ထိမှန်သွားတယ်။ ကျည်ထိမှန်တဲ့ တင်ပါးက သွေးတွေ ပြင်းပြင်း ထန်ထန် ထွက်တဲ့အတွက် ချက်ချင်း သူ့ကို ကျောက်ဖြူဆေးရုံးကြီးကို ယူဆောင်ပို့လိုက်ရပါတယ်” ဟု သူကပြောသည်။

အခင်း ဖြစ်ပွားပြီးနောက် ပစ်ခတ်သူမှာ လုပ်သေနတ် နှင့် ကျည်တချို့ကို ယူပြီး ထွက်ပြေး လွတ်မြောက်သွားကြောင်း သိရသည်။

“ပစ်ခတ်မှုဖြစ်ပြီးနောက် မနက် ၈ နာရီခွဲလောက်မှာ ရဲတပ်ဖွဲ့တွေရောက်တယ်။ ပစ်တဲ့သူကိုတော့ဖမ်း လို့မရဘူးပေါ့နော်။ သူ့ရဲ့တူဖြစ်တဲ့ မောင်တင်ချေကိုတော့ဖမ်းဆီးသွားတယ်“ဟုဆက်ပြောသည်။

ထွက်ပြေးခဲ့သောတရားခံမှာ ယခင်ကရဲအဖွဲ့ဝင်ဟောင်းတဦဖြစ်ပြီး သူ၏အသက်မှ ၃၃ နှစ်သာ ရှိ ကြောင်း သိရသည်။

အသေးစိတ်ကိုမသိရှိရသော်လည်း သေနတ်ပစ်ခံရသည့် မောင်ထူးနှင့်သူတို့နှစ်ဦးအကြားတွင် အိမ်နီး နားချင်းဖြစ်၍ စီးပွားရေးအရ မကျေနပ်မှုရှိရာကနေ ပစ်ခတ်ခဲ့ခြင်းဖြစ်နိုင်ကြောင်း အိမ်နီးနားချင်းအ သိုင်းအ၀န်းအဆိုအရသိရသည်။ 

No comments:

Post a Comment

မောင်ချစ်မှ လာကြည့်သူအပေါင်းတို့ကိုယ်စိတ်နှလုံးရွှင်လန်းကြပါစေလို့ဆုမွန်ကောင်းတောင်းလျှက်ပါ၊