Tuesday, 15 February 2011

ဗိုလ်ချုပ်မှူးကြီး သန်းရွှေ လျှာလုံး၍ စကားမပီ

ပြည်ထောင်စုနေ့ ညစာစားပွဲ၌ အမတ်များကို တဦးချင်း လိုက်လံနှုတ်ဆက်စဉ် အသက် ၇၇ နှစ်အရွယ် ဗိုလ်ချုပ်မှူးကြီး သန်းရွှေ လျှာလိပ်နေသည်ကို သတိထားမိကြောင်း အမတ်တဦးက ပြန်ပြောပြသည်။

“ကျနော့်ကို လာနှုတ်ဆက်တဲ့အချိန် စကားက ပြောလို့ မပီတော့ဘူး။ လျှာတွေက လုံးနေတယ်။ ဘယ်ကနေ လာလဲ ဆိုတဲ့ဟာလည်း မပီတော့ဘူး။ ဝမ်းသာပါတယ်ဆိုတာလည်း ပီပီသသကို မဟုတ်တော့ဘူးလေ။ အသက်ကြီးလာတော့လည်း လျှာကလိပ်လာပြီဆိုတော့ အခြေအနေ သိပ်မကောင်းသေးဘူးပေါ့။ နောက် နည်းနည်းတော့ ထော့နဲ့ ထော့နဲ့နဲ့ပေါ့” ဟု ဧည့်ခံပွဲတက်သည့် အမတ်တဦးက မဇ္ဈိမကို ပြောသည်။

တနင်္ဂနွေနေ့ စစ်အစိုးရအာဘော် သတင်းစာများတွင် နအဖ ဥက္ကဋ္ဌ “ဗိုလ်ချုပ်မှူးကြီးသန်းရွှေ” နှင့် နအဖ ကောင်စီဝင်များက အမတ်များကို လိုက်နှုတ်ဆက်ပုံကို ဖော်ပြသော်လည်း ဗိုလ်ချုပ်မှူးကြီး၏ ဇနီးဒေါ်ကြိုင်ကြိုင်ကိုမူ ဓာတ်ပုံထဲ၌ မတွေ့ရပေ။

ဗိုလ်ချုပ်မှူးကြီးနှင့် ဇနီးတို့က တည်ခင်းဧည့်ခံမည်ဟု ဖိတ်စာအတွင်း ဖော်ပြထားသော်လည်း ဒေါ်ကြိုင်ကြိုင်ကို မမြင်လိုက်ရဟု အမတ်တဦးက မဇ္ဈိမကို ပြောသည်။

No comments:

Post a Comment

မောင်ချစ်မှ လာကြည့်သူအပေါင်းတို့ကိုယ်စိတ်နှလုံးရွှင်လန်းကြပါစေလို့ဆုမွန်ကောင်းတောင်းလျှက်ပါ၊