မောင်ချစ်: မြန်မာစစ်အုပ်စု အာဏာပိုင် သတင်းစာက-၀မ်းနည်းစွာနဲ့ အဆုံးသတ်သွားမယ်လို့ ပြောဆိုလိုက်တာဟာ ဒေါ်အောင်ဆန်းစု ကြည်ကို သတ်ပစ်မယ်လို့ ကြုံးဝါးလိုက်တာဘဲ။။

- မြန်မာစစ်အုပ်စု အာဏာပိုင်သတင်းစာက- ဒေါ်အောင်ဆန်းစုကြည်ကို ပြင်းထန်စွာ ဝေဖန်ထားပါတယ်။ စီးပွားရေးပိတ်ဆို့မှု ထောက်ခံလျှင် ၀မ်းနည်းစရာနဲ့ အဆုံးသတ်သွားမယ်လို့ ခြိမ်းခြောက် ရေးသားထားပါ တယ်။
      ၀မ်းနည်းစွာနဲ့ အဆုံးသတ်သွားမယ်လို့ ပြောဆိုလိုက်တာဟာ ဒေါ်အောင်ဆန်းစုကြည်ကို သတ်ပစ်မယ်လို့ ကြုံးဝါးလိုက်တာပဲ။ ဒေါ်အောင်ဆန်းစုကြည် ကိုစီးပွားရေး ပိတ်ဆို့မှုအတွက် စစ်အာဏာပိုင် တွေကအသုံးချပါလိမ့်မယ်။

       (၁)တတိယအင်အားစုတွေကို ဒေါ်စုနဲ့ ရန်တိုက်ပေးပါ လိမ့်မည်။

      (၂)။စစ်အုပ်စုဟာ၂၀၀၈ဖွဲ့စည်းပုံကို အတ္တလောဘဇော တိုက်ပြီး အဓမ္မအတည်ပြု သွားပါပြီ။ ၂၀၁၀ရွေးကောက်ပွဲကို ကောက်ကျစ် ယုတ်မာစွာ ကျင်းပသွားခဲ့ပြီး တစ်ကမ္ဘာလုံးက လက်မခံနိုင်တဲ့ အတုအယောင် လွှတ်တော်ကို ဖွဲ့စည်းခဲ့ပါပြီ။ အစိုးရကို ဖွဲ့စည်းလိုက် ပါပြီ။

    (၃)အတုအယောင်အစိုးရကနေ နောက်ဆုံး လုပ်ရမယ့်ကိစ္စက စီးပွားရေး ပိတ်ဆို့မှုအတွက် ဒေါ်အောင်ဆန်းစုကြည်ကို အသာတကြည် နဲ့နိုင်ငံရေး လှုပ်ရှားမှုကို ပေးလုပ်ထားပြီး စီးပွားရေး ပိတ်ဆို့မှုအတွက် စစ်အုပ်စုက ဒေါ်အောင်ဆန်းစုကြည်ကို ပိတ်ဆို့မှုရုပ်သိမ်းပေးဘို့ သဘေားထား ပေးစေချင်ပါတယ်။ (NLD) ပါတီမှ စီးပွားရေးပိတ်ဆို့မှု အပေါ်သဘောထားအမြင် ထုတ်ပြန်ပြီးသည့် နောက်အခုလို ဒေါ်အောင်ဆန်း စုကြည်ကို စစ်အာဏာပိုင် သတင်းစာက ပြင်းပြင်းထန်ထန် ခြိမ်းခြောက် လိုက်သည်။

(၄)ဒေါ်အောင်ဆန်းစုကြည်မှလည်း စစ်အုပ်စုအပေါ် အမျိုးသား ရင်ကြားစေ့ရေး အတွက် မျှော်လင့်ထားသော်လည်း စစ်အုပ်စုမှ တုတ်တုတ်မျှ မလှုပ်သည့်အပေါ် စီးပွားရေးပိတ်ဆို့မှု ဆက်လက်ထားရှိ ရေးသဘောထား ထုတ်ပြန်ခဲ့သည်ကို ကြည့်လျှင်- စစ်အုပ်စုမှ ဒေါ်အောင်ဆန်းစုကြည်အပေါ် နည်းလမ်းပေါင်းစုံဖြင့် လုပ်ကြံရန် စိုင်းပြင်နေတာကို အထင်အရှား တွေ့နေရပြီဖြစ်သည်။

(၅)    မြန်မာပြည်သူ လူထုကြီးအနေဖြင့် ယခုလိုအမျိုးသား ခေါင်းဆောင်ကြီး၊ လွတ်လပ်ရေး ဗိသုကာကြီး၊ တပ်မတော်ကို ထူထောင်ခဲ့သည့် တပ်မတော်ဖခင် ဗိုလ်ချုပ်အောင်ဆန်း၏ သမီး လူထုခေါင်းဆောင်၊ ဒီမိုကရေစီခေါင်းဆောင်၊ ငြိမ်းချမ်းရေး နိုဗယ်ဆုရှင်၊ အမျိုးသားစည်းလုံး ညီညွှတ်ရေးကို ဦးဆောင် အလုပ်အကျွေး ပြုနေသူ ဒေါ်အောင်ဆန်းစုကြည်ကို -စစ်အုပ်စု လက်ပါးစေ များရန်မှ၊ နည်းမျိုးစုံ လုပ်ကြံဖန်တည်း၊ အကြောင်းအမျိုးမျိုး ပြပြီးဖမ်းဆီးခြင်း ၊လုပ်ကြံခြင်းစသည့် မမြင်ရနိုင်သည့် မည့်သည့် ဟန့်တား နှောက်ယှက်မည့် ကိစ္စကိုမဆို အပြင်းထန်ဆုံး စောက်ရှောက် ကာကွယ်ရမည့် အချိန်ပါကြောင်း၊ ထို့အပြင် တပ်မတော် အတွင်းမှာ ရှိသည့် ရိုးသားဖြူစင်သည့် တပ်မတော် အရာရှိကြီးများ၊ တပ်မှုး တပ်ဗိုလ်များ၊ တပ်မတော် အကြပ်တပ်သားများ အားလုံး အမှန်တရား ဘက်မှ ရပ်တည်ပြီး ဒေါ်အောင်ဆန်းစုကြည်ကို အမြင့်မားဆုံးကာကွယ် စောက်ရှောက်ကြပါရန် ရိုးသားလေးနက်စွာ တိုက်တွန်းအပ်ပါသည်။

(၆)ယနေ့တိုင်းပြည်တွင် အသက်တမျှအရေးကြီးသည့် အမျိုးသားရေး တန်းတူရေးနှင့် ကိုယ်ပိုင်ပြဌာန်းခွင့်ရှိပြီး ဒီမိုကရေစီနှင့်စစ်မှန်သည့် ဖက်ဒရယ်ပြည်ထောင်စု စစ်စစ်ကိုရရှိပိုင်ဆိုင် ခံစားနိုင်ရန်အတွက် ကြိုးပမ်း အားထုတ်ရသည့် အချိန်ဖြစ်သည်။ ထိုသို့ကြိုးပမ်း အားထုတ် နေသည့် လူထုခေါင်းဆောင် ဒေါ်အောင်ဆန်းစုကြည်ကို စစ်အာဏာပိုင် များမှလုပ်ကြံရန် ကြိုးစားမည်ကို စစ်အုပ်စု သတင်းစာက အတိအလင်း ဖော်ပြနေသည်။ ထို့ကြောင့် တိုင်းပြည်အတွက် အဖိုးထိုက်တန်လှသည့် အမျိုးသားရေးကို ဦးဆောင်ဦးရွက်ပြုနေသည့် ထိုသို့သောပုဂ္ဂိုလ်ကို လုပ်ကြံမည် ဆိုလျှင် မိမိတို့ တိုင်းပြည်၌ ထိုသို့သော ခေါင်းဆောင်များ နှစ်ရာစုနှစ်နှင့်ချီ စစ်အုပ်စု လက်အောက် ကျရောက်သွား ပေလိမ့်မည်။ ထိုသို့သော အဖြစ်ကိုမိမိတို့ မြန်မာပြည်သူ လူထုကြီးအနေဖြင့် ပြင်းပြင်းထန်ထန် ဆန့်ကျင် အာခံ တော်လှန်သွားရန် လိုအပ်ပြီဟု ယုံကြည်သည်။

(၇)။ဥပမာ (၁)ခုပြပါဆိုလျှင် ယနေ့ကမ္ဘာ ကြီးတွင် ကမ္ဘာ့လူထုကြီးက- စစ်အာဏာ၇ှင်များကို လူထုအင်အားဖြင့် ဖြုတ်ချတော်လှန် ပစ်လိုက် သည့်သာဓကများ လက်တွေ့ပင် ဖြစ်သည်။ အီဂျစ်လူထုကြီး ကနှစ်ပေါင်း(၃၀)ကျော် အုပ်ချုပ်ခဲ့သည့် အာဏာရှင်မူဘာရက်နှင့် အာဏာရှင်တွေ အုပ်ချုပ်ခဲ့သည့် ဖွဲ့စည်းအုပ်ချုပ်ပုံ အခြေခံဥပဒေကြီးကို လူထုတော်လှန်ရေး တိုက်ပွဲနှင့် အမြစ်ကပါ မကျန်တွန်းလှန် ဖြိုဖျက် ပစ်ခဲ့ကြသည်။

(၈)။မြန်မာပြည်မှာ စစ်အုပ်စုမှအဓမ္မ အတည်ပြုခဲ့သည့် ၂၀၀၈ဖွဲ့စည်း အုပ်ချုပ်ပုံ အခြေခံဥပဒေကို လူထုလှုပ်ရှား တော်လှန်မှုကြီးနှင့် နည်းလမ်းပေါင်းစုံ စုစုစည်းစည်း တော်လှန်ဖြိုဖျက်ရန်မှ တပါးအခြား နည်းလမ်း မရှိတော့သည်ကို လူထုကြီးအနေဖြင့် အီဂျစ်တော်လှန်ရေး ကြီးကမီးမောင်း ထိုးပြနေတာကို တွေ့ရမည်ဖြစ်သည်။

(၉)။ဒီလိုအချိန်အခါမျိုးမှာ နိုင်ငံရေး ပရောဟိတ်လိုလို၊ပညာရှင်လိုလိုနဲ့ စစ်အုပ်စုနဲ့ ပုလင်းတူဗူးဆို့ လုပ်နေသည့် တတ်ယောင်ကား ဆရာကြီးများ မီဒီယာများတွင်- စစ်အုပ်စုက ယခုလိုပြောင်းလဲ လိုက်တာကို ဒီမိုကရေစီ၏ ခြေလှမ်းအစလို့ လေလုံးထွား နေတာကို တွေရမည်ဖြစ်သည်။

ဒီမိုကရေစီ နိုင်ငံတွေမှာ-အာဏာသည်လူ ထုထံမှ သွားရမည်ဟု ကြားဘူးပါသည်။ ဒီမိုကရေစီကို-အာဏာပိုင်တွေ ပေးသမျှ ယူဆိုသည့် အတွေးအခေါ် သည်လက်တွေ့  မကျသော စိတ်ကူးယဉ်ဖြစ်ပြီး လူထု နှင့်ကင်းပြတ်ပြီး အာဏာ၇ှင်တွေနှင့် ပါတာနာဆောင်သည့် အချောင်သမား အတွေးအခေါ်ဖြစ်သည်။ တိုင်းပြည်တပြည်မှာ အရာရာ အားလုံးကို ပြောင်းလဲပစ်နိုင်တာ ထိုတိုင်းပြည်ကြီးမှာ မှီတင်းနေထိုင် သည့်လူထုကြီးက အကြီးမားဆုံး ပြောင်းလဲပစ်နိုင်သည့် ဆိုတဲ့ လက်တွေ့ အီဂျစ်နိုင်ငံကိုပဲ လက်ညိုးထိုးပြလျှင် သိနိုင်ပါလိမ့်မည်။

နောက်ဆုံးအနေဖြင့် မိမိတို့၏ လူထုခေါင်းဆောင်၊ ဒီမိုကရေစီ ခေါင်းဆောင်၊ တမျိုးသားလုံး တန်ဘိုးထားလေးစား ချစ်ကြည်သည့် ဒေါ်အောင်ဆန်းစုကြည်ကို စစ်အုပ်စု၏ လက်ပါးစေများ၊ လက်ကိုင်ဒုတ်များ ရန်မှပြည်သူလူထုများ၊ တက်ကြွသည့် လူငယ်မျိုးဆက် များမှအထူးစောက်ရှောက် ကာကွယ်ကြပါရန် အလေးအနက် တိုက်တွန်းရေးသား လိုက်ရပေသည်။

ထူးအံ့

၁၅-ဖေဖော်ဝါရီ ၂၀၁၁

Tuesday 15 February 2011

No comments:

Post a Comment