အများ ပြည်သူသုံး အင်တာနက် ဆိုင်များ တွင် လုံခြုံရေး ကင်မရာ စီစီတီဗီ ကင်မရာများ တပ်ဆင်ရန် နှင့် ဝန်ထမ်း လေးဦး ခန့်ထားရန် သက်ဆိုင်ရာက အစည်း အဝေးခေါ်ယူ၍ အသိပေး ပြောကြား ခဲ့ကြောင်း အင်တာနက် ဆိုင်ရှင် အချို့က ပြောသည်။ “တနင်္ဂနွေ နေ့လယ်က (နိုဝင်ဘာ ၂၁) မ.ယ.က ရုံးမှာ ဆိုင်ရှင် တွေကို အစည်း အဝေး ခေါ်ပြီး ပြောတာ” ဟု ကမာရွတ် မြို့နယ်၌ အင်တာနက်ဆိုင် ဖွင့်လှစ် ထားသော ဆိုင်ရှင် တစ်ဦးက ပြောသည်။ “ ဒီလ ဒုတိယပတ် လောက်က စပြီး အဲဒီကိစ္စ ဆိုင်တွေကို ပြောသွားတာ။ အဓိက ကတော့ မြို့တော်ခန်းမနားက (အင်တာနက်ဆိုင်) Sky Net မှာ ဗုံးတွေ့ပြီးတဲ့ နောက်ပိုင်းမှာ ဆိုင်တွေပိုပြီးတော့ လုံခြုံရေးကို အာရုံစိုက်လို့ရအောင်လို့ ပြောသွားတယ်”ဟု ကျောက်တံတား မြို့နယ်တွင် ဖွင့်လှစ် ထားသော အင်တာနက် ဆိုင်ပိုင်ရှင် တစ်ဦးက ပြောသည်။
ထို့အပြင် ဆိုင်တွင်းရှိ အမှိုက်ပုံးနှင့် အိမ်သာအား စစ်ဆေးရန်၊ သုံးစွဲ သူများက အွန်လိုင်းမှ အချက် အလက်များ ဆွဲချခြင်း(ဒေါင်းလော့)၊ အပ်(ပ်)ဒိတ် လုပ်ခြင်းအား ကြည့်ရှု မှတ်သားရန် နှင့် အင်တာနက် ဆိုင်များတွင် ညအိပ် နေထိုင်သူများအား ဧည့်စာရင်း တိုင်ကြားရန် ပြောကြား ခဲ့ကြောင်း အစည်းအဝေး တက်ရောက်ခဲ့သူများက ပြောသည်။
အဆိုပါ စည်းကမ်းများအား သက်ဆိုင်ရာက စစ်ဆေးသည့် အခါ လိုက်နာထားခြင်း မရှိပါက ဆိုင်ပိတ်သည် အထိ ပြင်းထန်စွာ အရေး ယူမည် ဖြစ်ကြောင်း အစည်း အဝေးတက်ရောက်ခဲ့သူ ဆိုင်ရှင်တစ်ဦးက ပြောသည်။ ယခုလ ၂ ရက်က ရန်ကုန်မြို့ Sky Net အင်တာနက် ဆိုင်တွင် ချိန်ကိုက်မိုင်း ၄ လုံးကို သက်ဆိုင်ရာက ရှာဖွေ တွေ့ရှိခဲ့ပြီး ယင်း ချိန်ကိုက်မိုင်း ထောင်ခဲ့သူများကို ဆိုင်၏ စီစီတီဗီ ကင်မရာမှ မှတ်တမ်း တင်နိုင်မှုကြောင့် နောက်ပိုင်းတွင် အလားတူ ကိစ္စများ ကြုံရပါက အထောက် အပံ့ ရနိုင်ရန် တပ်ဆင် စေခြင်း ဖြစ်သည်။
No comments:
Post a Comment