Sunday, 27 March 2011

နအဖစစ်တပ်က ကိုယ့်စခန်းကိုယ် ပစ်ခတ်ပြီး သျှမ်းတပ်စခန်းဟု အစီရင်ခံ

zaw gyi one
သျှမ်းသံတော်ဆင့်သတင်း
သျှမ်းပြည်တပ်မတော် (SSPP/SSA) တပ်စခန်းဟု ဆိုကာနအဖစစ်တပ်က ကိုယ့်တပ်စခန်းကိုယ် တိုက်ခိုက်သည့် ဖြစ်ရပ် မတ်လ ၂၃ ရက် ည ၁၂ နာရီခန့်က  ဖြစ်ပွားခဲ့ကြောင်း သိရသည်။


 သျှမ်းပြည် (မြောက်ပိုင်း) သံလွင်မြစ်အနောက်ဘက်ကမ်းရှိ မုံးကြက်တိုက်နယ် အခြေစိုက် နအဖတပ်စခန်း တစ်ခုကို အခြား နအဖတပ် ဖွဲ့တစ်ဖွဲ့က ၁၅ မိနစ်ခန့် ဝင်ရောက် ပစ်ခတ်ကာသျှမ်းတပ်စခန်းအားတိုက်ခိုက်ခဲ့ သည် ဟု အထက်သို့ အစီရင်ခံကြောင်း သျှမ်းတပ်အရာရှိ တစ်ဦးက သျှမ်းသံတော်ဆင့်သို့ ပြောသည် ။၎င်းတိုက်ခိုက်မှု၌ တပ်စခန်းရှိ နအဖတပ်သားတစ်ဦး ခြေထောက်တွင် သေနတ်ဒဏ်ရာရရှိခဲ့ သည်ဟု ဆိုသည် ။“မုံးကြက်စခန်းပေါ့ ပြည်သူလူထုကို ကင်းစောင့်ခိုင်းတယ်။ နောက်တစ်ဖွဲ့က သျှမ်း တပ် ဆိုပြီး ဝင်တိုက်တာပေါ့ သူတို့မိုင်းနဲ့ပစ်တာ စခန်းက တပ်သားတစ်ယောက် ခြေထောက်မှာ ဒဏ်ရာရတယ် အထက် ကိုတော့ သျှမ်းတပ်စခန်းကို ဝင်တိုက်တယ်ဆိုပြီး လိမ်လည်အစီရင်ခံတာပေါ့ ” ဟု သူက ဆိုသည်။
အဆိုပါ တပ်စခန်း၌ ကင်းစောင့် စေခိုင်းခြင်းခံရသူများမှာ ပြည်သူ့စစ်အဖွဲ့ဝင်များ မဟုတ်ပဲသာမန်ရွာသားများ သာ ဖြစ်ပြီး ဘာလက်နက်မှ မရှိကြောင်း သိရသည်။သံလွင်အနောက်ခြမ်းရှိ (သံလွင်အရှေ့ခြမ်း ဝ နယ် နားဝီးမြို့နယ် နှင့်မျက်နှာချင်းဆိုင်) မိုင်းကြက်တိုက်နယ်သည် လားရှိူးမြို့ အရှေ့ဘက် မိုင် ၅၀ ကျော် ကွာဝေး၏။ ဒေသတဝိုက်တွင် သျှမ်းပြည်တိုး တက်ရေးပါတီ/ သျှမ်းပြည် တပ်မတော် SSPP/SSA ထိမ်းချုပ်နယ်မြေမဟုတ်။ နအဖ လက်အောက်ခံ မန်ပန်ဌာနေပြည်သူ့စစ်(ဗိုလ်မွန်းအဖွဲ့) ထိမ်းချုပ်လှုပ်ရှားသည့် ဒေသဖြစ်သည်။
ယခုအခါ တိုက်ပွဲများ ဖြစ်ပွားနေရာ သျှမ်းပြည်တပ်မတော် (SSPP/SSA)၏ ကျေးသီးမြို့နယ် ဋ္ဌာနချုပ် ဝမ်ဟိုင်း စခန်းနှင့် မိုင်းရယ်မြို့နယ် အတွင်းရှိ ဝမ့်နောင်ချိုစခန်းများကို နအဖက ဝန်းရံထားကြောင်း သိရသည်။

No comments:

Post a Comment

မောင်ချစ်မှ လာကြည့်သူအပေါင်းတို့ကိုယ်စိတ်နှလုံးရွှင်လန်းကြပါစေလို့ဆုမွန်ကောင်းတောင်းလျှက်ပါ၊